یوم آزادی: ہر طرف سبز ہلالی پرچموں کی بہار | جامعه امام الصادق علیه السلام

پاکستان کا ستر واں یوم آزادی ملی جوش و جذبے کے ساتھ منایا جارہا ہے ۔ ہرگلی ، محلے اور سڑک پر سبز ہلالی پرچموں اور جھنڈیوں کی بہار، اسلام آباد کے جناح کنونشن سینٹر میں پرچم کشائی کی مرکزی تقریب ہوئی، صدر ممنون حسین اور وزیراعظم نوازشریف نے سبز ہلالی پرچم فضا میں بلند کیا۔ چھوٹے بڑے شہروں میں آزادی کے رنگ نمایاں ہیں۔

جامعه(کوئٹہ) -کی رپورٹ کے مطابق پاکستان کا ستر واں یوم آزادی ملی جوش و جذبے کے ساتھ منایا جارہا ہے ۔ ہرگلی ، محلے اور سڑک پر سبز ہلالی پرچموں اور جھنڈیوں کی بہار، اسلام آباد کے جناح کنونشن سینٹر میں پرچم کشائی کی مرکزی تقریب ہوئی، صدر ممنون حسین اور وزیراعظم نوازشریف نے سبز ہلالی پرچم فضا میں بلند کیا۔ چھوٹے بڑے شہروں میں آزادی کے رنگ نمایاں ہیں۔

یوم آزادی کے موقع پر کراچی میں مزار قائد پر نیول اکیڈمی کے دستے نے گارڈز کی ذمہ داریاں سنبھال لیں ۔ لاہور میں علامہ اقبال کے مزار پر آرمی کے گارڈز نے ذمہ داریاں سنبھال لیں ۔

وزیر اعلیٰ پنجاب میاں شہباز شریف نے حکیم الامت علامہ اقبال کے مزار پر حاضری دی ہے اور فاتحہ خوانی کی۔وزیر اعلیٰ پنجاب نے مہمانوں کی کتاب میں تاثرات بھی درج کیے

آزادی کی خوشی میں ملک کےمختلف شہروں میں پرچم کشائی کی تقریبات جاری ہیں۔چودہ اگست انیس سوسنتالیس کو دنیا کے نقشے پر ابھرنے والےپاکستان کےلیے قربانیاں دینےوالوں کوعوام خراج عقیدت پیش کررہی ہے۔رات بھر بھی عوام نے آزادی کی خوشیاں منائیں، آتش بازی کا شاندار مظاہرہ کیا۔

اہل کشمیر کی نئی نسل نے ایک نئے جذبے کے ساتھ آزادی کا علم اٹھایا ہے، وزیراعظم نے اس سال 14اگست کو آزادی کشمیر کے نام کردیا،کہتےہیں آزادی کا حصول جتنا مشکل ہے اس کی حفاظت اس سے زیادہ مشکل ہے۔

یوم آزادی پرکسی ناخوشگوار صورتحال سے بچنے کےلیے وفاقی اور صوبائی دارلحکومتوں سمیت 40 شہروں میں موبائل فون سروس بند ہے۔ اکثر شہروں میں موبائل سروس 2 بجے تک بند رہے گی، کچھ میں شام کو بحال ہو گی۔

یوم آزادی کے موقع پرکراچی میں بلاول ہائوس چورنگی سے مزار قائد تک سائیکل ریلی کا انعقاد کیا گیا ہے جس میں بڑی تعداد میں لوگوں نے شرکت کی ہے۔