«خانه آشیق!»
******
الی گوو بید که «بیربیلجی» کنی موو
قلخ غم ره «پورکیلجی» کنی موو
****
آتیش بزیید خارایی دوشمنی ره !
گل آی عیشقه، «سوی دیلجی» کنی موو
****
«خانه آشیق» ره مینه دل، بسازید !
«دیوال» غم ره «کوربیلجی» کنی موو
****
لبایی خوو پور ز «موسخیندی» نمایید
قاش و قبغ خوو، «وازکیلجی» کنی موو
****
بغل خوو واز کیده، بل دل خوو کَش کید
ققی کومایی خوو«ماخ دیلجی» کنی موو
****
دلایی خوو «محفل آشیق» بسازید !!
دمبوره های خوو «کوک کیلجی» کنی موو
****
«فرشته»خویی شده نیکی نمایید !
«دیو» کینه ره، «بورکیلجی» کنی موو
****
آعشیق واروو بورید خانه دوستون خوو
قار و قور ره، «پورموشت دیلجی» کنی موو
****
سال نو خوو ده خوشی و ده خنده
دیقی و درده، «توتیلجی» کنی موو !
****
آلی گوو جم شده یکجی شونی موو
خود خوو از خنده، «سیرکیلجی» کنی موو
*******
حلول سال نو میلادی(سال2020)، بر تمام مسیحیان جهان و دوستان ساکن در «دیار پرینگی» مبارکباد.
*******
م، خرّمی
یازدهم جدی 98
یکم جنوری2020
