جناب محمد جمعہ اسدی صاحب سے قم کے علماء و طلاب کی ملاقات
ان ایّام میں جامعہ امام صادق علیہ السلام کے پرنسپل اور کوئٹہ کے امام جمعہ جناب محمد جمعہ اسدی صاحب قم المقدس میں مشرف ہوئے ہیں۔
جب قم میں مقیم کوئٹہ کے علماء کرام ،جامعہ امام صادق علیہ السلام کے طلاب اور بلوچ طلاب کو آپ کی آمد کی خبر ہوئی تو آپ سے ملاقات کے لئے تشریف لائے۔
اس ملاقات میں پاکستان اور بالخصوص کوئٹہ اور بلوچستان کے حالات کے بارے میں گفتگو کی گئی۔
جناب محمد جمعہ اسدی صاحب نے پاکستان کے داخلی حالات اور شیعوں کی مشکلات کے بارے میں کہا:ان مشکلات کی ایک بڑی وجہ پاکستان میں بیرونی طاقتوں کی مداخلت ہے کہ جو پاکستان کی سلامتی کے لئے ایک خطرہ ہے۔
جناب محمد جمعہ اسدی نے اپنی گفتگو میں مزید یہ کہا:اگرچہ ہمارے بہت سے نوجوانوں کو شہید کیا گیا کہ جس کی وجہ سے کئی خاندانوں کو مشکلات کا سامنا ہے لیکن اس کے باوجود دشمن اپنے کسی مقصد میں کامیاب نہیں ہو سکا۔پاکستان کی شیعہ قوم اور بالخصوص کوئٹہ کے ہزارہ مومنین ان تمام مشکلات کے باوجود ہر میدان میں حاضر ہیں اور اپنے مقدسات کا دفاع کر رہے ہیں۔
آخر میں بلوچ علماء کرام اور طلاب ذوی الاحترام کے ساتھ خصوصی نشست میں بلوچستان کے مختلف مسائل کے بارے میں گفتگو کی گئی۔
