ماہ مبارک رمضان ضیافت الٰہی کا مہینہ ہے کہ جس میں سب خدا کے مہان ہوتے ہیں اور وہ میزبان ہوتا ہے۔مہمان اور میزبان کی تعبیر ایک نہایت خوبصورت تعبیر ہے کہ جس میں کچھ خاص دلکشی پائی جاتی ہے۔یہ وہ مہینہ ہے کہ جس کی فضیلت کے متعلق قرآن کی متعدد آیات اور بے شمار روایات موجود ہیں۔اس مہینہ کی برکات میں سے ایک یہ ہے کہ یہ مہینہ ایک دوسرے سے ملاقات،مل بیٹھنے اور احکام و دینی مسائل بیان کرنے کا نہایت سنہری موقع ہے۔
اس مناسبت سے ۵ رمضان المبارک کوکتابخانہ شہید محمد منتظری میں جامعہ امام صادق کے پرنسپل جناب محمد جمعہ اسدی صاحب کی صدارت میں ایک مشترک جلسہ کاانعقاد کیا گیا ۔انہوں نے اس نشست کا اصل مقصد رمضان المبارک کے بابرکت مہینہ میں تبلیغی امور کوقرار دیا کہا۔اس مہینہ میں مبلغین کرام شرعی احکامات کو بیان کرنے کے ضمن میں ایسےامور انجام دیں کہ جن سے لوگ زیادہ تعداد میں مساجد کا رخ کریں ۔اور اس میں کوءی شک نہیں ہے کہ ایسے پروگرام کے انعقاد میں علماء اہم کردار اداد کرسکتے ہیں۔
جناب محمد جمعہ اسدی نے فلسفہٴ روزہ اور اس کے فواید کو بیان کرنے کے ضمن میں نوجوانوں کو تشویق دلائی کہ وہ ماہ مبارک رمضان کے پروگرام میں زیادہ سے زیادہ شریک ہوں اور اس مہینہ کی معنویات سے مستفید ہوں۔انہوں نے اپنے بیان میں کوئٹہ کے شیعوں کے حالات کا ذکر کرتے ہوءے کہا دشمنوں یہاں کے مسلمانوں میں تفرقہ پیدا کرکے اپنے مذموم مقاصد حاصل کرنا چاہتا ہے لہذا علماء کا چاہئے کہ وہ لوگوں کو دشمنوں کے ناپاک عزاءم سے آگاہ کریں۔
جلسہ کے اختتام پر یہ قرار پایا کہ مساجد اور امام بارگاہوں کے مسوٴلین کے ساتھ ایک نشست کا انعقاد کیا جائے۔
